20-н жилийн туршлага дээр үндэслэн 3-н жилийн хугацаанд судалгаа хийсний үр дүнд шимийн архины биологийн үнэт чанар болох амьд байдлыг илүү хадгалсан бөгөөд шимтэй, цэвэр амт чанартай байлгах тал дээр онцгойлон анхаарч сарлагийн сүүгээр бэлтгэсэн аарцнаас нэрж гарсан шимийн архийг дээжлэн авч тусгай олон шатлалт шүүлтүүрээр шүүж цэвэршүүлэн Шимийн охийг бэлтгэдэг.

Нэрэлтийн нэг усаар авах буюу дээжлэн авсан шимийн архийг “Шимийн охь” гэх бөгөөд энэхүү дээжийг хүндтэй хүндээ тусгайлан барьдаг ёслол хүндлэлийн эрхэм уламжлал оршдог.

Даяарчлагдан буй өнөөгийн нийгэмд өв соёлоо хадгалан хойч үедээ үлдээх, дэлхий дахинд сурталчлах, орчин цагийн амьдралдаа хэрэглээ болгон хэвших нь бидний бас нэгэн хүндэт бахархал бөгөөд тансаглаг билээ.